الجمعة، 25 يناير 2013

شهرازاد (1)


كان شهريار يسهر كل ليلةمستوحشا"
فصار سجين ألف ليلة
"و صار سجين الحكاية




(1)
 ف كل لحظة بختلف
التجربة تحكم
ساعات مبنحتويش حاجة لقلتها
وساعات مبتحويناش علشان كبيرة علينا

روحي ف ايديا 
بديهي
أي اعتقاد أني امتلاك ....
يحتاج ايضاح 
!!!!!!!!!!!!!!!!!!!!!
الورد يوم ما بنقطفه بيقرر أنه يموت
شرط الحياة فيه
مش قدرتك علي أمتلاكه
امكانيته للعطاء مفتاحك المشروط
اوعاك تصدق أن فيه روح تمتلك
!!!!!!!!!!!!!!!!!!!!!!!
_______________________________________
السبت 26 يناير2013
الساعة 7:25 صباحا

http://www.youtube.com/watch?v=VxuJd-T04QA

الخميس، 24 يناير 2013


أعتذر للصبح..
عبثا أراك فأنت مرتبك بميعاد العمل.
أعتذر للحلم ..
عبثا أعيشك فليلك أصم بآنات الثكلي والمساكين.
أعتذر لحبيبي..
عبثا أحتويك فنفسي تحويني وترهقني وتثقل كاهلي.

روحي
ورقة قديمة بالقلم الرصاص تكتبني التجارب
والعمر
استيكة خايبة تمسح المكتوب وتسيب أثر
ينحت ملامحي
ارتباك
..هي الحياة مخلوقة من ربكة المفاهيم
مابين صح وغلط بعيش إنسان
أظلم عشان أطهر روحي من وصمة الانبيا
أشوف حجمي الحقيقي
أنحني للحق
يدوب شبرين
فبلاش تحاسبي من الحياة أو تحسيبلها
عيشيها ..
اغلبيها بضحكتك
اندهشي واستني السذاجة .. الارتباك والخجل
اغلطي
هي الحياة تتعاش من غير غلط؟!
من غير وجع.. يتقّل خطوتك؟!
احنا..
وأولهم أنا..
هنصعب المشوار عليكي
هنحاصرك بتجاربنا وزواية فهمنا للصح وللحقيقة
أفتكري دايما
أن الحقايق منملكهاش
خصوصا أن الحق موت!!!
وأنت الحياة
_____________________________
24 يناير 2013
الخميس 12:05 ظهرا

أيام العجب والموت


بقيت ف الضل
كوم حمل الغلابة يكسرك
فنشوف علي القضبان نهايتك
مين قالك أن الصبح مستنيكي، 
خايف عليكي من عتمة الليل اللي متأنس بحضنك؟!!
بقيت سرطان معشش فوق حقيقتك
أفتفت الأمل البعيد فيكي 
الصورة بتهد الكلام
مبقاش الشعر جوايا بيخلق ثائر
الدم ملو الصورة والبرواز
والشعر عاجز
زمان حررني من خجلي
من لعنة البهتان
دلوقتي مسجي ملفوف بالسكات
"أدي أيام العجب والموت
جت بسرعة زي لمح البصر"
(العمي)
وراني لون الدنيا أبيض
لون الورق واللفة وفستان الفرح ..
(العمي)
وراني لون الدنيا أحمر
لون الشفايف وابتسامتك والكفن..
(العمي)
وراني لون الدنيا أسود
لون قلبي ومحبينه وطرحة سيتي وعباية الولي..
(العمي)
وراني لونك
__________________________
الخميس 17/1/2013

الساعة 11 صباحا